2014లో కాంగ్రెసు, టిడిపి కలిసి జగన్‌పై పోటీ: అంబటి రాంబాబు

గుంటూరు: మాజీ పార్లమెంటు సభ్యుడు వైయస్ జగన్మోహన్ రెడ్డి అధ్యక్షుడిగా ఉన్న వైయస్ఆర్ కాంగ్రెసు పార్టీ ఎప్పటికీ కాంగ్రెసు పార్టీలో విలీనం అయ్యే ప్రసక్తి లేదని ఆ పార్టీ నేత అంబటి రాంబాబు గురువారం గుంటూరు జిల్లాలో విలేకరులతో మాట్లాడుతూ చెప్పారు. దివంగత ముఖ్యమంత్రి వైయస్ రాజశేఖరరెడ్డి అభిమానులను ఓడించడానికి కాంగ్రెసు పార్టీ చాలా ప్రయత్నాలు చేసిందని ఆరోపించారు.

జగన్ వర్గాన్ని ఓడించడానికి ప్రధాన ప్రతిపక్షం తెలుగుదేశం పార్టీ అభ్యర్థులను చిత్తూరు జిల్లాలో కొన్నదని ఆరోపించారు. కాంగ్రెసు పార్టీలో తెలంగాణ రాష్ట్ర సమితి, తెలుగుదేశం పార్టీ విలీనం అయ్యే అవకాశాలు ఉన్నాయన్నారు. టిఆర్ఎస్, టిడిపిలను విలీనం చేసుకొని కాంగ్రెసు పార్టీ 2014 ఎన్నికల్లో జగన్ పార్టీపై పోటీ చేసినా ఆశ్చర్యం లేదన్నారు.

English summary

Main opposition Telugudesam may merger in Congress soon, said Ex MP YS Jaganmohan Reddy camp leader Ambati Rambabu. He hoped that Congress and TDP will contest on YS Jagan in 2014 election.