• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

మూడు రోజుల పాటు వందేళ్ల చిత్తూరు జిల్లా వేడుకలు: రఘువీరా

By Pratap
|
Google Oneindia TeluguNews
Chittoor District
హైదరాబాద్: చిత్తూరు జిల్లా ఏర్పడి వందేళ్లు పూర్తయిన సందర్భంగా వేడుకలకు పెద్ద యెత్తున ఏర్పాట్లు చేస్తున్నట్లు మంత్రి రఘువీరా రెడ్డి శనివారం మీడియా ప్రతినిధుల సమావేశంలో చెప్పారు. ఏప్రిల్ 1వ తేదీకి చిత్తూరు జిల్లా ఏర్పడి వందేళ్లు పూర్తవుతోందని, ఈ సందర్భంగా చిత్తూరు జిల్లా వందేళ్ల ఉత్సవాలు నిర్వహించాలని ప్రభుత్వం నిర్ణయించిందని ఆయన చెప్పారు. చిత్తూరు జిల్లా ముఖ్యమంత్రులను, రాష్ట్రపతి నీలం సంజీవ రెడ్డి వంటివారిని అందించిందని ఆయన చెప్పారు. ఈ వేడుకలు మూడు రోజుల పాటు జరుగుతాయని ఆయన చెప్పారు. ఈ నెల 30వ తేదీన గవర్నర్ నరసింహన్ ఉత్సవాలను ప్రారంభిస్తారని ఆయన చెప్పారు. ఏప్రిల్ 1వ తేదీన ముగింపు ఉత్సవాల్లో ముఖ్యమంత్రి కిరణ్ కుమార్ రెడ్డి పాల్గొంటారని ఆయన చెప్పారు.

ముఖ్యమంత్రి కిరణ్ కుమార్ రెడ్డి చిత్తూరు జిల్లాకు చెందినవారేనని, ప్రతిపక్ష నేత, మాజీ ముఖ్యమంత్రి నారా చంద్రబాబు నాయుడు కూడా ఈ జిల్లాకు చెందినవారేనని ఆయన చెప్పారు. ఉత్సవాలకు చంద్రబాబుతో పాటు తిరుపతి నుంచి శాసనసభకు ఎన్నికైన చిరంజీవిని కూడా ప్రభుత్వం ఆహ్వానిస్తుందని ఆయన చెప్పారు. మాజీ మంత్రులను, అధికారులను, కళాకారులను, తదితరులను ఈ సందర్భంగా ఘనంగా సన్మానించనున్నట్లు ఆయన తెలిపారు. జిల్లాలో పనిచేసిన కలెక్టర్లను, ఎస్పీలను, తదితరులను కూడా ఆహ్వానిస్తామని ఆయన చెప్పారు. ఈ మీడియా ప్రతినిధుల సమావేశంలో జిల్లాకు చెందిన మంత్రి గల్లా అరుణ కుమారి కూడా పాల్గొన్నారు.

English summary
Hundred years celebrations of Chittoor district will be held for three days from March 30 to April 1. Governor Narasimhan will inaugurate the celebrations on March 30.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X