మార్పులకు అనుగుణంగా పార్టీని మారుస్తాం: చంద్రబాబు నాయుడు

By Srinivas

Published: Sunday, March 27, 2011, 15:10 [IST]

హైదరాబాద్: పార్టీ సిద్ధాంతాలలో ఎలాంటి మార్పు ఉండదని తెలుగుదేశం పార్టీ అధ్యక్షుడు చంద్రబాబునాయుడు ఆదివారం తన ఇంటి వద్ద ఏర్పాటు చేసిన మీడియా సమావేశంలో అన్నారు. అయితే మార్పులకు అనుగుణంగా పార్టీలో మార్పులు చేస్తామని చెప్పారు. వెనుకబడిన వర్గాలే తెలుగుదేశం పార్టీకి వెన్నముక అన్నారు. నగదు బదిలీ పథకం చాలా మంచిదని ఆయన అభిప్రాయపడ్డారు. ఈ నెల 29వ తేది నుంచి 14 నెలల పాటు పార్టీ సమీక్షలు ఉంటాయని ఆయన చెప్పారు.

కాంగ్రెసు పార్టీకి వ్యతిరేకంగా దేశవ్యాప్తంగా వివిధ పార్టీలను ఏకత్రాటిపైకి తెచ్చిన ఘనత కేవలం టిడిపిదే అన్నారు. చదువుకునే వారు రాజకీయాల్లోకి వచ్చి మార్పు తేవాలని ఎన్టీఆర్ ఆశించారని అందుకు అనుగుణంగానే పార్టీ వెళుతుందన్నారు. తెలంగాణలో పటేల్, పట్వారీ వ్వనస్థను రద్దు చేసిన తర్వాత నిజమైన స్వాతంత్రం వచ్చిందన్నారు.

Published On March 27, 2011