సిఎం కిరణ్‌కు, డిఎస్‌కు వి హనుమంతరావు వార్నింగ్

హైదరాబాద్: ముఖ్యమంత్రి కిరణ్ కుమార్ రెడ్డిని, ప్రదేశ్ కాంగ్రెస్ కమిటీ అధ్యక్షుడు డి శ్రీనివాస్‌ను కాంగ్రెస్ పార్టీ సీనియర్ నాయకుడు వి హనుమంతరావు ఆదివారం హెచ్చరించారు. హైదరాబాదులో నేరాలు పెరిగి పోతున్నాయని, పెరుగుతున్న నేరాలను అరికట్టకుంటే పార్టీ ప్రతిష్ట దెబ్బతింటుందని ఆయన వారిని హెచ్చరించారు. ఆదివారం గాంధీభవన్‌లో పిసిసి అధ్యక్షుడు డిఎస్‌ను సన్మానించారు. ఈ కార్యక్రమానికి సిఎం, విహెచ్, మాజీ ముఖ్యమంత్రి రోశయ్య తదిదరులు హాజరయ్యారు.

ఈ సందర్భంగా విహెచ్ మాట్లాడారు. ఎన్నాళ్లు అధ్యక్షులుగా పని చేశామన్నది ముఖ్యం కాదని పార్టీని ఎంత పటిష్టం చేశారని ప్రధానం అన్నారు. స్థానిక సంస్థల ఎన్నికలలో కాంగ్రెసు పార్టీ తెలుగుదేశం పార్టీతో కుమ్మక్కు అయ్యారనేది అవాస్తవమన్నారు. కొందరు సిఎం, డిఎస్‌లపై అవాకులు పేలుతున్నారన్నారు. ఎమ్మార్, రహైజాలపై సిబిఐ విచారణ జరిపిచాలని ఆయన డిమాండ్ చేశారు. పార్టీ వ్యతిరేకులపై కార్యకర్తలు తిరగబడాలి ఆయన కోరారు.

English summary

Congress senior leader V Hanumantha Rao warned CM Kiran Kumar Reddy and D srinivas today towards Hyderabad crime. He opposed comments on TDP alliance in MLC election towards CM and DS.