ఎన్టీఆర్ కుటుంబంలో ఎలాంటి విభేదాలు లేవు: టిడిపి నేత యనమల

హైదరాబాద్: ఎన్టీఆర్ కుటుంబంలో ఎలాంటి విభేదాలు లేవని మాజీ మంత్రి, తెలుగుదేశం పార్టీ సీనియర్ నాయకుడు యనమల రామకృష్ణుడు శుక్రవారం అన్నారు. నందమూరి కుటుంబానికి, చంద్రబాబునాయుడు కుటుంబం మధ్య పార్టీ అధిపత్యం విషయంలో విభేదాలు వచ్చినట్లు వచ్చిన వార్తలో ఎలాంటి నిజం లేదన్నారు. ఇరు కుటుంబాలు కలిసే ఉన్నాయన్నారు. అందరూ చంద్రబాబుకు మద్దతుగా నిలబడ్డారన్నారు.

కడప పార్లమెంటు, పులివెందుల అసెంబ్లీ నియోజకవర్గాల్లో తెలుగుదేశం పార్టీ ఖచ్చితంగా గెలుస్తుందని అన్నారు. మాజీ పార్లమెంటు సభ్యుడు వైయస్ జగన్మోహన్ రెడ్డి పార్టీ వైయస్ఆర్ కాంగ్రెసు పార్టీ ఉప ఎన్నికలలో భారీ అక్రమాలకు పాల్పడుతున్నదని అన్నారు. జగన్ ధన ప్రవాహానికి ఈసీ అడ్డుకట్ట వేయాలని ఆయన కోరారు. ఉప ఎన్నికలలో సీనియర్లకు ప్రచార బాధ్యతలు అప్పగిస్తామని చెప్పారు.

English summary

Ex minister, Telugudesam party senior leader Yanamala Ramakrishnudu said today that there is no differences between Nandamuri and Nara families. He urged EC for stop Jagan illegal in by-pole.