లోక్‌పాల్ ప్యానెల్‌పై అన్నాహజారే వర్సెస్ రాందేవ్ బాబా

న్యూఢిల్లీ: లోక్‌పాల్ బిల్లు కోసం ఏర్పాటు చేసిన ప్యానెల్‌పై సంఘ సంస్కర్త అన్నాహజారేకు, ప్రముఖ యోగా గురువు రాందేవ్ బాబా మధ్య విభేదాలు కనిపించాయి. లోక్‌పాల్ బిల్లు కోసం అన్నాహజారే ఎన్నుకున్న ఐదుగురు సభ్యులలో శాంతి భూషణ్ ఆయన తనయుడికి ప్యానెల్‌లో చోటు కల్పించడంపై రాందేవ్ బాబా ప్రశ్నించారు. ఒకే కుటుంబం నుండి ఇద్దరి వ్యక్తులకు ప్యానెల్‌లో చోటు కల్పించడంపై రాందేవ్ ప్రశ్నించారు. అది సరియైన పద్ధతి కాదన్నారు. శాంతిభూషణ్, ఆయన కుమారుడి ఎంపిక సరైనది కాదన్నారు. అన్నా హజారే అలా నిర్ణయం తీసుకోవాల్సింది కాదన్నారు.

కాగా రాందేవ్ బాబా వ్యాఖ్యలను అన్నాహజారే ఖండించారు. ఆరోపణల్లో ఎలాంటి వాస్తవం లేదన్నారు. ప్రజాస్వామ్య పద్ధతిలోనే ఎన్నిక జరిగిందని ఆయన చెప్పారు. ఎన్నికలో ఎలాంటి పక్ష పాతం చోటు చేసుకోలేదని చెప్పారు. కాగా ఒకే కుటుంబం నుండి ఇద్దరిని ఎంపిక చేయడంపై మాత్రం స్పందించనట్టుగా సమాచారం.

English summary

Yoga Guru Ramdev Baba questioned Anna Hazare about Lokpal pannel. He opposed two members from one family. Anna Hazare condemned Ramdev Baba statement. He said he elected as democratically.