జగన్, విజయలక్ష్మి పేర్లతో కడప, పులివెందులకు నామినేషన్లు

కడప: కడప లోక్సభ స్థానానికి జరుగుతున్న ఉప ఎన్నికలలో జగన్మోహన రెడ్డి పేరు ఉన్న ఓ వ్యక్తి, పులివెందుల శాసనసభ స్థానానికి విజయలక్ష్మి అనే పేరు గల ఓ మహిళ బుధవారం నామిషన్లు దాఖలు చేశారు. వైఎస్ఆర్ కాంగ్రెస్ పార్టీ అధ్యక్షుడు జగన్మోహన రెడ్డిని, ఆ పార్టీ పులివెందుల అభ్యర్థి విజయలక్ష్మిలను ఓడించాలన్న ఉద్దేశంతో అధికార కాంగ్రెస్ పార్టీ వారు ఇటువంటి చర్యలకు పాల్పడుతున్నారని ఆ పార్టీ నేతలు విమర్శిస్తున్నారు. నామినేషన్ దాఖలు చేసిన చింతా జగన్మోహన రెడ్డి వీర శివారెడ్డికి దగ్గర బంధువు కాగా, విజయలక్ష్మి అనే ఆమె సింమాద్రిపురానికి చెందిన మహిళ.

ఓటర్లని అయోమయానికి గురిచేయాలన్న ఉద్దేశంతో వారు ఈ విధమైన చర్యలకు పాల్పడుతున్నారని వైయస్సార్ పార్టీ నాయకులు అంటున్నారు. ఈ పేర్లు గల నలుగురైదుగురితో స్వతంత్ర అభ్యర్థులుగా నామినేషన్లు వేయించాలన్న ఉద్దేశంతో కాంగ్రెస్ పార్టీ వారు ఉన్నట్లు తెలుస్తోంది. ఎమ్మెల్సీ ఎన్నికలలో కూడా ఇలాగే చేశారని, అయితా తమ అభ్యర్థే విజయం సాధించారని అంటున్నారు.

English summary

Nominations were filed with the names of Jaganmohan Reddy and Vijayalaxmi for Kadapa and Pulivendula seats respectively. It is criticised that to confuse voters, congress has resorted to this act.