వైయస్ రాజశేఖర్‌రెడ్డి ఎవరు!: మీడియాతో డిఎల్ రవీంద్రా రెడ్డి

కడప: హూ ఈజ్ వైయస్ఆర్ అంటూ వైద్య ఆరోగ్య శాఖ మాత్యులు డిఎల్ రవీంద్రారెడ్డి గురువారం మీడియా ప్రతినిధులను ప్రశ్నించారు. కడప జిల్లా ఉప ఎన్నికలలో భాగంగా డిఎల్ రవీంద్రారెడ్డి ప్రచారం నిర్వహిస్తున్నారు. ఈ సందర్భంగా విలేకరులతో ఆయన మాట్లాడారు. కాంగ్రెసు పార్టీ లేకుంటే దివంగత ముఖ్యమంత్రి వైయస్ రాజశేఖరరెడ్డి ఎక్కడ అని ప్రశ్నించారు. కాంగ్రెసు పార్టీ వల్లనే వైయస్ఆర్ వెలుగులోకి వచ్చారని అన్నారు.

అదే కాంగ్రెసు పార్టీ వల్ల మాజీ పార్లమెంటు సభ్యుడు వైయస్ జగన్మోహన్ రెడ్డి ఈ స్థాయికి వచ్చారని అన్నారు. అది ఆయన మరిచిపోతున్నారన్నారు. ధనమదంతో జగన్ ఇష్టం వచ్చినట్టు ప్రవర్తిస్తున్నారన్నారు. కాగా కాంగ్రెసు పార్టీలోనే కొనసాగుతానని ప్రకటించిన బద్వేలు శాసనసభ్యురాలు కమలమ్మకు మంత్రి డిఎల్ రవీంద్రారెడ్డి ఫోన్ చేశారు. సాయంత్రం ఆమెను మంత్రులు కలుసుకునే అవకాశం ఉంది. శుక్రవారం నుండి కమలమ్మ కాంగ్రెసుకు అనుకూలంగా ప్రచారం చేసే అవకాశముంది.

English summary

Minister DL Ravindra Reddy questioned that who is YS Rajasekhar Reddy without congress party. he said YSR and YS Jagan were known to AP people by congress.