జగన్ బెంగుళూర్ భవనం విలువే రూ. 400 కోట్లు: డిఎల్ రవీంద్రారెడ్డి

కడప: మాజీ పార్లమెంటు సభ్యుడు వైయస్ జగన్మోహన్ రెడ్డికి కర్ణాటక రాజధాని బెంగుళూరులోని రూ.400 కోట్ల బిల్డింగ్ ఉందని వైద్య ఆరోగ్య శాఖ మంత్రి డిఎల్ రవీంద్రారెడ్డి శుక్రవారం ఆరోపించారు. జగన్ తన ప్రాపర్టీని 365 కోట్లుగా చూపించడాన్ని డిఎల్ ప్రశ్నించారు. ఒక్క బిల్డింగ్ రూ.400 కోట్లు ఉంటే జగన్ ఆస్తి ఆయన అఫిడవిట్‌లో చెప్పినంతనే ఎలా ఉంటుందని ప్రశ్నించారు.

2004 ఎన్నికలకు ముందు జగన్ ఆస్తి రూ.9 లక్షల చిల్లర ఉందని అది ఇప్పుడు వందల కోట్లకు ఎలా చేరిందో ప్రజలకు చెప్పాలని డిమాండ్ చేశారు. ఈ ఎన్నికలు నీతికి అవినీతికి మధ్య జరుగుతున్న ఎన్నికలన్నారు. జగన్‌ను ఎన్నుకుంటే రాష్ట్రాన్నే అమ్మేస్తారని ఆరోపించారు. జగన్ అధికారంలోకి వస్తే రాష్ట్రంలోని అన్ని వనరులను దోచేస్తారని ఆయన అన్నారు.

English summary

Minister DL Ravindra Reddy questioned Ex MP YS Jaganmohan Reddy about his property. He said that Jagan have Rs. 400 crores value building in banglore.