ఎమ్మెల్యేలతో ఇడుపులపాయలో వైయస్ జగన్ రహస్య సమావేశం

కడప: వైయస్సార్ కాంగ్రెసు పార్టీ అధ్యక్షుడు, కడప లోకసభ అభ్యర్థి వైయస్ జగన్మోహన్ రెడ్డి శుక్రవారం సాయంత్రం తన వర్గానికి చెందిన శాసనసభ్యులతో సమావేశమయ్యారు. తన స్వగ్రామం ఇడుపులపాయలో ఆయన వారితో రహస్యంగా సమావేశమయ్యారు. ఈ సమావేశంలో 13 మంది శాసనసభ్యులు పాల్గొన్నారు. కడప లోకసభ, పులివెందుల శాసనసభ ఉప ఎన్నికల్లో అనుసరించాల్సిన వ్యూహంపై ఈ సమావేశంలో జగన్ శాసనసభ్యులతో చర్చించినట్లు సమాచారం.

కాగా, జగన్ లోకసభ స్థానానికి శుక్రవారం నామినేషన్ వేశారు. ఈ నామినేషన్ కార్యక్రమానికి రోజా, కొండా సురేఖ, పుల్లా పద్మావతి వంటి నాయకులతో పాటు శాసనసభ్యులు కూడా హాజరయ్యారు. శనివారం పులివెందుల స్థానానికి వైయస్ విజయమ్మ నామినేషన్ దాఖలు చేయనున్నారు. బద్వేలు శాసనసభ్యురాలు తిరిగి కాంగ్రెసు వైపు వెళ్లిన నేపథ్యంలో ఆ నియోజకవర్గంలో అనుసరించాల్సిన వ్యూహంపై కూడా జగన్ శాసనసభ్యులతో చర్చించినట్లు తెలుస్తోంది. వైయస్సార్ కాంగ్రెసు పార్టీ నాయకులు కూడా ఈ సమావేశంలో పాల్గొన్నారు. తమపై వస్తున్న విమర్సలను తిప్పి కొట్టేందుకు అనుసరించాల్సిన వ్యూహంపై కూడా ఈ సమావేశంలో చర్చించినట్లు తెలుస్తోంది.

English summary

YSR Congress party president and Kadapa Lokasabha candidate YS Jagan met his camp MLAs at Idupulapaya to chalk out strategy to follow in bypolls.