వైయస్ జగన్‌కు రాజకీయాల్లో స్థానం లేదు: టిడిపి అభ్యర్థి మైసూరారెడ్డి

కడప: అవినీతి, అక్రమాలు చేసే వారికి రాజకీయాల్లో స్థానం లేదని అలాంటి వారికి ఓటర్లు బుద్ది చెప్పాలని కడప తెలుగుదేశం పార్టీ పార్లమెంటు అభ్యర్థి ఎంవి మైసూరారెడ్డి ఆదివారం మాజీ పార్లమెంటు సభ్యుడు వైయస్ జగన్మోహన్ రెడ్డిని ఉద్దేశించి చెప్పారు. అవినీతిపరులకు రాజకీయాల్లో స్థానం లేదని చెప్పడానికి ఓటర్లు కూడా ఈ ఎన్నికలలో నిర్ణయించుకున్నారన్నారు. ఎన్నికలలో ధన ప్రభావం తగ్గితే అవినీతిపరులైన రాజకీయ నాయకులు రాజకీయాల్లోకి రాకుండా పోతారని అన్నారు.

ఈ ఎన్నికలను టిడిపి ప్రతిష్టాత్మకంగా తీసుకుంటుందని చెప్పారు. రాజకీయం గుత్తాధిపత్యంగా ఉంటుందని భావించిన వారి వల్ల ఈ ఎన్నికలు వచ్చాయని ఆరోపించారు. ఉప ఎన్నికలు ఎవరి వల్ల వచ్చాయో ప్రజలకు తెలుసని వారికి బుద్ధి చెప్పడానికి ఓటర్లు సిద్ధంగా ఉన్నారన్నారు. సోమవారం తాను ఎలాంటి ఆర్బాటం లేకుండా నామినేషన్ వేస్తానని చెప్పారు.

English summary

Kadapa TDP MP candidate MV Mysura Reddy urged voters to learn a lesson to corruptionists. He said there is no chance in politics to corruptionists.