పార్లమెంటు సభ్యురాలు గుండు సుధారాణి తనయుడా, మజాకా?

By Pratap

Published: Monday, April 18, 2011, 13:31 [IST]

వరంగల్: పార్లమెంటు సభ్యురాలి తనయుడా, మజాకా అని వరంగల్ ప్రజలు అనుకుంటున్నారు. తెలుగుదేశం పార్లమెంటు సభ్యురాలు గుండు సుధారాణి తనయుడు కిట్స్ ఇంజనీరింగ్ కళాశాలలో వీరంగం వేశాడు. బయటి వ్యక్తులను తీసుకొచ్చి తన ప్రతాపం చూపించాడు. గుండు సుధారాణి కుమారుడు తేజస్వినీరాజ్ కిట్స్ ఇంజనీరంగ్ కళాశాలలో ర్యాగింగుకు పాల్పడినట్లు ఆరోపణలు ఎదుర్కుంటున్నాడు.

అతనిపై కాకతీయ విశ్వవిద్యాలయం పోలీసు స్టేషన్‌లో ఆ మేరకు కేసు నమోదైంది. తేజస్వినీరాజ్ తాను పార్లమెంటు సభ్యురాలి కుమారుడిని కాబట్టి తనకు ఎదురండదని అనుకున్నారో ఏమో బయటి వ్యక్తులను కళాశాల లోపలికి తీసుకొచ్చి జూనియర్లపై ర్యాగింగ్‌కు పాల్పడినట్లు ఫిర్యాదు చేశారు. పోలీసులు కేసు నమోదు చేసి విచారణ జరుపుతున్నట్లు సమాచారం.

Published On April 18, 2011