విశాఖ కార్పొరేటర్లకు చెప్పులతో స్వాగతం: ప్రజా సంఘాల దాడి

విశాఖపట్నం: ఇటీవల ఎయిర్ హోస్టెస్‌తో అసభ్యంగా ప్రవర్తించిన విశాఖ కార్పొరేటర్లకు విశాఖ ప్రజలు, ప్రజా సంఘాలు చెప్పులు, బూట్లతో స్వాగతం పలికారు. విశాఖ ఎయిర్ పోర్టు నుండి బయటకు వస్తున్న కార్పొరేటర్లపై ప్రజా సంఘాలు దాడి చేశారు. ఈ సమయంలో కొందరు కార్పొరేటర్లు తప్పించుకొని తమ తమ కారు ఎక్కి పారిపోయే ప్రయత్నాలు చేశారు. ప్రజా సంఘాలు వారిపై వెంటాడి మరి దాడి చేశారు.

కింగ్ ఫిషర్ విమానంలో ఎయిర్ హోస్టెస్‌తో అసభ్యంగా ప్రవర్తించి ఉత్తరాంధ్ర పరువు తీశారని వారు ఆరోపించారు. ఇలాంటి వారిని మళ్లీ నగరంలోకి ఎందుకు తీసుకు వచ్చారంటూ ప్రశ్నించారు. వారు నగరంలో ఉండవలసిన పని లేదంటూ హెచ్చరించారు. కాగా ఇటీవల కింగ్ ఫిషర్ ఎయిర్ హోస్టెస్‌తో అసభ్యంగా ప్రవర్తించిన విషయం తెలిసిందే.

English summary

Public welcome Vishaka corporators with chappal and shoes in Vishaka airport. Public fired very much at corporators.