దగ్గుబాటి పురంధేశ్వరిపై మండిపడిన రాష్ట్ర మంత్రి శంకర రావు

By Pratap

Published: Monday, April 18, 2011, 18:30 [IST]

హైదరాబాద్ : కేంద్ర మంత్రి పురంధేశ్వరిపై రాష్ట్ర చేనేత మంత్రి పి. శంకర రావు తీవ్రంగా మండిపడ్డారు. రాష్ట్ర ప్రభుత్వం అమలు చేస్తున్న పథకాలు వైయస్ రాజశేఖర రెడ్డివేనని పురంధేశ్వరి అనడాన్ని ఆయన సోమవారం మీడియా ప్రతినిధుల సమావేశంలో వ్యతిరేకించారు. పథకాలన్నీ వైయస్ రాజశేఖర రెడ్డివేనని పురంధేశ్వరి అనడం సరి కాదని ఆయన అన్నారు. పురంధేశ్వరి తన ప్రకటనను వెనక్కి తీసుకోవాలని ఆయన డిమాండ్ చేశారు.

కాంగ్రెసు లేనిదే వైయస్ రాజశేఖర రెడ్డి లేరని, అదంతా కాంగ్రెసు ఘనతేనని ఆయన అన్నారు. రాష్ట్ర ప్రభుత్వం అమలు చేస్తున్న పథకాలన్నీ కాంగ్రెసువేనని ఆయన అన్నారు. పురంధేశ్వరి ప్రకటన సరైంది కాదని ఆయన అన్నారు. వైయస్ రాజశేఖర రెడ్డి కాంగ్రెసు పార్టీ వల్లనే పైకి ఎదిగారని ఆయన అన్నారు. కాంగ్రెసు పార్టీ లేకుండా వైయస్ పథకాలు లేవని ఆయన అన్నారు.

Published On April 18, 2011