అపర కీచకుడు: టెన్త్ బాలికపై అత్యాచారం, ఆత్మహత్యా యత్నం

By Pratap

Published: Monday, April 18, 2011, 14:51 [IST]

చిత్తూరు: చిత్తూరు జిల్లాలో దారుణం చోటు చేసుకుంది. ఓ అపర కీచకుడు తిరుపతిలో పదవ తరగతి చదువుతున్న అమ్మాయిపై అత్యాచారం చేశాడు. చిత్తూరు జిల్లా గుడిపల్లి మండలం కోడిగానిపల్లిలో ఈ దారుణం చోటు చేసుకుంది. అత్యాచారానికి గురైన అమ్మాయి పవిత్ర పరువు పోతుందనే భయంతో ఒంటికి నిప్పంటించుకుని ఆత్మహత్యా యత్నానికి పాల్పడింది. ఆత్మహత్యకు యత్నించిన పవిత్రను తొలుత గుడిపల్లి ఆస్పత్రిలో చేర్పించారు. ఆ తర్వాత తిరుపతిలో రుయా ఆస్పత్రికి తరలించారు. ఆమె పరిస్థితి ఆందోళనకరంగా ఉంది.

తల్లిదండ్రులు ఇంట్లో లేని సమయంలో సుబ్రహ్మణ్యం అనే మేస్త్రీ పవిత్ర ఇంట్లోకి ప్రవేశించి, ఆమెపై అత్యాచారం జరిపాడు. ఆ సమయంలో పవిత్ర తమ్ముడు కూడా ఇంట్లోనే ఉన్నాడు. సుబ్రహ్మణ్యంపై గుడిపల్లి పోలీసు స్టేషనులో కేసు నమోదైంది. అతను పరారీలో ఉన్నాడు. అతని కోసం పోలీసులు గాలిస్తున్నారు.

Published On April 18, 2011