సత్యసాయిబాబా మైండ్ డెడ్ కాలేదు: డాక్టర్ రవిరాజ్ ప్రకటన

అనంతపురం: భగవాన్ శ్రీ సత్యసాయిబాబా మైండ్ డెడ్ కాలేదని డాక్టర్ రవిరాజ్ శుక్రవారం ప్రకటించారు. బాబా ఆరోగ్యంపై భక్తులు ఆందోళన చెందుతున్న నేపథ్యంలో ఆయన మరోసారి మీడియాతో మాట్లాడారు. బాబా శరీరంలోని అన్ని అవయవాలు ప్రత్యామ్నాయాల ద్వారా పని చేస్తున్నాయని చెప్పారు. అవయవాలన్నీ ప్రత్యామ్నాయాల ద్వారా పని చేస్తున్నందున ఆయన భవిష్యత్తుపై మేము ఏమీ చెప్పలేమని ఆయన రవిరాజ్ అన్నారు.

చికిత్సకు అవయవాలు పూర్తిగా సహకరించని సమయంలోనే ఏదైనా ప్రకటన చేసే అవకాశం ఉందని రవిరాజ్ వెల్లడించారు. బాబా కాలేయం పని తీరు తక్కువగా ఉందని చెప్పారు. సిఆర్ఆర్టీ ద్వారా డయాలసిస్ కొనసాగిస్తున్నామని చెప్పారు. అయితే వేల సంఖ్యలో పోలీసుల బలగాలను పుట్టపర్తికి తరలించడం, ధర్మవరంలో స్ర్కీన్‌లు ఏర్పాటు చేయడం తదితర కార్యక్రమాలు చేయడం పట్ల భక్తులు ఆందోళన చెందుతున్నారు. బాబా ఆరోగ్యం ఆందోళనకరంగా ఉండటంతో భక్తులు భారీగా పుట్టపర్తికి తరలి వస్తున్నారు.

English summary

Doctor Ravi Raj said today that Bhagvan Sri Sathya Baba health is very critical. He said his body parts are working with alternate. He said liver condition is also very poor. He said Baba mind is not dead.