నిజాం నగలు స్నేహితుడి భార్యకు హసన్ అలీ గిఫ్ట్‌గా ఇచ్చాడు

హైదరాబాద్: నల్ల డబ్బు కుంభకోణంలో అరెస్టు అయిన హసన్ అలీ సాలార్‌జంగ్ మ్యూజియం నుంచి అక్రమంగా తరలించిన నగలను తన స్నేహితుడి భార్యకు గిఫ్ట్‌గా ఇచ్చినట్లుగా తెలుస్తోంది. సాలార్‌జంగ్ మ్యూజియంలో 1995 నుండి 2000 సంవత్సరం మధ్య విలువైన నగలు మాయమైనవని, వాటిని హసన్ అలీ అక్రమంగా విదేశాలకు తరలించారని వార్తలు వచ్చిన విషయం తెలిసిందే. ఈడి ఫిర్యాదు మేరకు హైదరాబాదు సిసిఎసమ పోలీసులు కేసు కూడా నమోదు చేశారు. అయితే ఆ ఐదు సంవత్సరాల మధ్య కాలంలో నిజాం నగలు పోయిన మాట నిజమే అని తెలుస్తోంది.

వాటిని హసన్ అలీ తన స్నేహితుడు తపారియా భార్యకు బహుమతిగా ఇచ్చినట్టు తెలుస్తోంది. వాటి విలువ సుమారు 40 లక్షల రూపాయల వరకు ఉండవచ్చునని తెలుస్తోంది. మ్యూజియం మేనేజర్ నర్బోజాబేగ్ ఆ నగలను అక్రమంగా తరలించినట్లు తెలుస్తోంది. నగల వ్యాపారి రాంబజోజపై కూడా అనుమానాలు వ్యక్తం అవుతున్నాయి. కాగా మ్యూజియం నుండి ఎలాంటి నగలు మాయం కాలేదని మ్యూజయం అధికారులు చెబుతున్నారు.

English summary

Hasan Ali was gave as a gift nizam's ornaments to his friend Taparia's wife. CCS police suspecting museum manager Narba Jabaig and business man Rambajoja in this issue.