సత్యసాయికి ప్రభుత్వ లాంఛనాలపై కోర్టుకు వెళ్లిన జన విజ్ఞాన వేదిక

By Srinivas

Published: Tuesday, May 3, 2011, 15:50 [IST]

హైదరాబాద్: భగవాన్ శ్రీ సత్యసాయిబాబాకు రాష్ట్ర ప్రభుత్వం ప్రభుత్వ లాంఛనాలు నిర్వహించడాన్ని జన విజ్ఞాన వేదిక మంగళవారం తప్పు పట్టింది. ఈ విషయంపై జన విజ్ఞాన వేదిక కోర్టులో కూడా రిట్ దాఖలు చేసినట్టుగా తెలుస్తోంది. మంత్రాలు, మాయల పేరుతో ప్రజలను తప్పు దారి పట్టించిన సత్యసాయికి ప్రభుత్వం జాతీయ జెండా కప్పడాన్ని వారు తప్పు పట్టారు. గౌరవ వందనం ఇవ్వడాన్ని కూడా వారు తప్పు పట్టారు.

ఈ సందర్భంగా జన విజ్ఞాన వేదిక మ్యాజిక్‌తో చెంబులో నుండి విభూతిని, చేతిలో ఉంగరాన్ని ఎలా సృష్టించ వచ్చో చూపించారు. ప్రజలు బాబాల మంత్రాలను ప్రశ్నించాలని సూచించారు. ప్రజలను మంత్రాలతో మోసం చేయడం అన్యాయం అని అన్నారు. సత్యసాయిబాబాపై అనేక కేసులు కోర్టులో ఉన్నాయని అన్నారు. ఆయనపై కేసులు కొన్ని ఇప్పటికీ నడుస్తున్నాయన్నారు. అలాంటి వ్యక్తికి ప్రభుత్వం లాంఛనాలు ఎలా నిర్వహిస్తారని వారు ప్రశ్నించారు.

Published On May 3, 2011