2జి కెసులో సిబిఐ కోర్టులో కనిమొళి హాజరు, అరెస్టుకు రంగం సిద్ధం!

న్యూఢిల్లీ: 2జి కుంభకోణంలో సుమారు 200 కోట్ల రూపాయలను డిఎంకెకు చెందిన కంలైజ్ఞర్ టివిలోకి తరలించినట్లు ఆరోపణలు ఎదుర్కొంటున్న డిఎంకె ఎంపి కనిమొళిని శుక్రవారం సిబిఐ కోర్టులో హాజరు పర్చారు. ఆమెతో పాటు కలైంజ్ఞర్ టివి ఎండి శరద్ కుమార్, మరో ముగ్గురు ఎమ్మెల్యేలు, ఐదుగురు ఎంపీలను కోర్టు ముందు హాజరు పర్చారు. ఇందులో కనిమొళి భర్త కూడా ఉన్నారు. కనిమొళి తరఫున ప్రముఖ న్యాయవాది రాం జెఠ్మలానీ న్యాయస్థానంలో వాదిస్తున్నారు. అయితే వాదనల అనంతరం ఒక వేళ సీబీఐ ఆమె బెయిల్‌కి అంగీకరించకపోతే కనిమొళి జైలుకి వెళ్లక తప్పదు.

కనిమొళికి డీఎంకే పూర్తి మద్దతు ఇస్తోంది. కనిమొళి కన్నా ముందే టిఆర్‌ బాలు, తిరుచ్చి శివ, ఇళంగోవన్‌ లాంటి నేతలంతా పాటియాలా హౌస్‌ న్యాయస్థానం ముందు వేచి ఉన్నారు. కనిమొళి తల్లి కూడా ఢిల్లీ వచ్చారు. రాం జెఠ్మలానీ ఆమె తరపున బెయిల్ పిటిషన్ దాఖలు చేశారు. అయితే కేసు స్ట్రాంగ్ గా ఉన్నందున కనిమొళి బయట పడే అవకాశాలు కనిపించడం లేదు. అలా అయితే ఆమె ఇప్పటికే 2జి కేసులో అరెస్టు అయి తీహార్ జైలులో ఉన్న రాజా ఉన్న జైలుకే పంపే అవకాశాలు ఉన్నాయి. అయితే డిఎంకే కేంద్ర ప్రభుత్వంపై ఈ కేసు విషయంలో ఒత్తిడి తెస్తున్నప్పటికీ కేసు సుప్రీంకోర్టు పరిధిలో ఉన్నందున ఎలాంటి అవకవతకలకు పాల్పడే అవకాశం లేకుండా పోయింది. దీంతో కనిమొళిని రిమాండ్‌కు పంపే అవకాశాలు ఎక్కువగా ఉన్నట్టు పలువురు భావిస్తున్నారు.

English summary

Tamil Nadu Chief Minister M Karunanidhi's daughter and Rajya Sabha member Kanimozhi, who is a co-accused in the Rs 1.76 lakh crores 2G spectrum allotment case, will appear before a CBI special court here on Friday.