ఓట్ల లెక్కింపునకు ఏర్పాట్లు పూర్తి, పార్టీల జాతకాలు తేలేది రేపే

న్యూఢిల్లీ: ఐదు రాష్ట్రాల శాసనసభలకు జరిగిన ఎన్నికల ఓట్ల లెక్కింపునకు ఎన్నికల కమిషన్ ఏర్పాట్లు పూర్తి చేసింది. శుక్రవారం ఉదయం ఎనిమిది గంటలకు ఓట్ల లెక్కింపు ప్రారంభమవుతుంది. పశ్చిమ బెంగాల్, తమిళనాడు, కేరళ, పుదుచ్చేరి, అస్సాం రాష్ట్రాల శాసనసభలకు ఎన్నికలు జరిగిన విషయం తెలిసిందే. ఎన్నికలు కుల, మత ప్రాతిపదికపై జరగలేదని చీఫ్ ఎన్నికల కమిషనర్ ఎస్‌వై ఖురేషి చెప్పారు. పశ్చిమ బెంగాల్‌లో శాంతి భద్రతలు తీవ్రంగా క్షీణించాయని కేంద్ర హోం మంత్రి పి. చిదంబరం విమర్శించారు.

పశ్చిమ బెంగాల్‌లో అధికార వామపక్ష కూటమి అధికారాన్ని కోల్పోయే పరిస్థితి ఉందని అంచనాలు సాగుతున్నాయి. మమతా బెనర్జీ నాయకత్వంలోని తృణమూల్ కాంగ్రెసు, కాంగ్రెసు పార్టీల కూటమి అధికారాన్ని చేపట్టడానికి అవసమైన మెజారిటీ సాధిస్తుందని చెబుతున్నారు. ఈ కూటమికి 210 నుంచి 220 సీట్ల వరకు రావచ్చునని చెబుతున్నారు. తమిళనాడులో అధికార డిఎంకె పార్టీ కాస్తా ఆధిక్యత సాధించవచ్చునని అంచనా వేస్తున్నారు. అతి స్వల్ప మెజారిటీతో డిఎంకె కూటమి గట్టెక్కే అవకాశాలున్నట్లు చెబుతున్నారు. అయితే, అధికారం తనదేనని అన్నాడియంకె నేత జయలలిత దీమా వ్యక్తం చేస్తున్నారు. అస్సాంలో హంగ్ రావచ్చుననే అంచనాలు సాగుతున్నాయి.

English summary

The Election Commission is all set for counting of votes in the five states on Friday. It has set up 839 halls in 294 locations in the five states which went to the polls in which 14.16 crore people -- 20% of the country's total electorate -- voted in West Bengal, Tamil Nadu, Kerala, Puducherry and Assam.