డిపాజిట్ దక్కలేదు, కాంగ్రెసుకు కడప గతే: గాలి జనార్ధన్ రెడ్డి

By Srinivas

Published: Tuesday, May 17, 2011, 14:53 [IST]

న్యూఢిల్లీ: కాంగ్రెసు పార్టీకి కడప పార్లమెంటు ఉప ఎన్నికలలో డిపాజిట్ కూడా దక్కలేదని, కాంగ్రెసు తీరు ఇలా ఉంటే దేశవ్యాప్తంగా ఆ పార్టీ పరిస్థితి ఇలాగే ఉంటుందని కర్నాటక మంత్రి గాలి జనార్దన్ రెడ్డి ఓ టీవి చానల్ కార్యక్రమంలో న్యూఢిల్లీలో వ్యాఖ్యానించారు. కర్నాటకలో యెడ్యూరప్ప ప్రభుత్వానికి 121 మంది ఎమ్మెల్యేల మద్దతు ఉందని, అంత పెద్ద ఎత్తున మద్దతు ఉన్నప్పుడు కర్నాటకలో రాష్ట్రపతి పాలన విధించాలని గవర్నర్ భరద్వాజ్ ఎలా సిఫార్సు చేస్తారని ప్రశ్నించారు. రాజ్యాంగ పూర్తిగా మద్దతు ఉన్న ప్రభుత్వాన్ని పడగొట్టాలని చూస్తే కాంగ్రెసు పార్టీకి దేశవ్యాప్తంగా నష్టం తప్పదన్నారు. కాంగ్రెసు త్వరలో నవ్వుల పాలు కాక తప్పదన్నారు.

గవర్నర్ భరద్వాజ్ ధ్వంసం చేసే భరద్వాజ్ అని తాను గతంలోనే చెప్పానని అన్నారు. గవర్నర్‌ను రీకాల్ చేయాలని కోరతామని చెప్పారు. కర్నాటక ముఖ్యమంత్రి యెడ్యూరప్ప కూడా గవర్నర్ రీకాల్ కోరతామని చెప్పారు. కర్నాటక ప్రభుత్వానికి మద్దతు ఉందని చెప్పడానికే తాము రాష్ట్రపతి ముందు పరేడ్ చేయాలని నిర్ణయించుకున్నట్టు చెప్పారు. గనర్నర్ కాంగ్రెసు వ్యక్తిగా ప్రవర్తిస్తున్నారని ఆరోపించారు.

Published On May 17, 2011