తెలంగాణపై తేల్చకపోతే కాంగ్రెసుతో తాడోపేడో తేల్చుకుంటాం: మధు యాష్కీ

By Srinivas

Published: Tuesday, May 17, 2011, 10:37 [IST]

హైదరాబాద్: కేంద్ర ప్రభుత్వానికి నిజామాబాద్ పార్లమెంటు సభ్యుడు మధుయాష్కీ ఆల్టిమేటం జారీ చేశారు. ప్రత్యేక తెలంగాణ రాష్ట్రంపై కేంద్రం వెంటనే స్పష్టమైన వైఖరి ప్రకటించాలని ఆయన డిమాండ్ చేశారు. జూన్ మొదటి వారంలోగా తెలంగాణపై జాతీయ స్థాయిలో అధికారంలో ఉన్న కాంగ్రెసు తేల్చాలని చెప్పారు. జూన్ మొదటి వారంలోగా తెలంగాణపై తేల్చకుంటే కాంగ్రెసు పార్టీతో తాడోపేడో తేల్చుకుంటామని ఆయన హెచ్చరించారు. ఆ తర్వాత రాజ్యాగ సంక్షోభం సృష్టించి అయినా తెలంగాణ సాధించుకుంటామని చెప్పారు.

కాగా తెలంగాణ ప్రాంతానికి చెందిన కాంగ్రెసు పార్టీ ఎంపీలు హైదరాబాదులోని ఓ హోటల్‌లో భేటీ అయ్యారు. కేంద్రమంత్రి, రాష్ట్ర ఇంచార్జ్ గులాం నబీ ఆజాద్‌ను కలిసి తెలంగాణపై స్పష్టమైన వైఖరి త్వరలో తేల్చాలని వారు కోరనున్నట్లుగా తెలిసింది.

Published On May 17, 2011