ఆజాద్ వద్ద సమైక్యవాదం వినిపించిన సీమాంధ్ర ప్రజాప్రతినిదులు

హైదరాబాద్‌: కాంగ్రెసు సీమాంధ్ర ప్రజాప్రతినిధులు మంగళవారం పార్టీ ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్ వద్ద సమైక్యాదం వినిపించారు. రాష్ట్రాన్ని సమైక్యంగానే ఉంచాలని వారు కోరారు. ఇదే విషయం తమ మాటగా కాంగ్రెసు అధ్యక్షురాలు సోనియా గాంధీకి వినిపించాలని వారు విజ్ఞప్తి చేశారు. ఆజాద్‌తో భేటీ అనంతరం మంత్రి శైలజానాథ్ మీడియా ప్రతినిధులతో మాట్లాడారు. రాష్ట్రాన్ని సమైక్యంగా ఉంచితేనే పార్టీకి మనుగడ ఉంటుందని తాము చెప్పినట్లు ఆయన తెలిపారు.

రాష్ట్రాన్ని ముక్కలు చేస్తే పార్టీ పరిస్థితి మరింత దిగజారుతుందని ఆయన అన్నారు. రాష్ట్రాన్ని సమైక్యంగా ఉంచాల్సిన అవసరాన్ని, దాని వల్ల పార్టీకి కలిగే లాభం గురించి తాము ఆజాద్‌కు వివరించినట్లు ఆయన చెప్పారు. తెలంగాణ సమస్యపై కచ్చితమైన నిర్ణయాన్ని సాధ్యమైనంత త్వరగా తీసుకోవాలని కూడా కోరామని ఆయన అన్నారు. దీన్ని త్వరలో పరిష్కరిస్తామని ఆజాద్ తమతో చెప్పినట్లు ఆయన తెలిపారు. సమైక్యంగా ఉంచితే రాష్ట్రానికి కూడా మేలని చెప్పినట్లు ఆయన తెలిపారు.

English summary

Congress Seemandhra leaders appealed to Gulam Nabi azad not to divide AP state.