యుపి ప్రజలు దోపిడీకి గురవుతున్నారు: ధ్వజమెత్తిన రాహుల్

లక్నో: ఏఐసిసి ప్రధాన కార్యదర్శి రాహుల్ గాంధీ ఉత్తర ప్రదేశ్ మాయావతి ప్రభుత్వంపై మరోసారి బుధవారం ధ్వజమెత్తారు. ఉత్తర ప్రదేశ్‌లో రైతులు దోపిడీకి గురవుతున్నారని ఆయన వారణాశిలో మీడియా ప్రతినిధులతో మాట్లాడుతూ వాపోయారు. యుపిలో ప్రజలు తీవ్రంగా బాధలు పడుతున్నారన్నారు. అభివృద్ధికి రైతులు ఎప్పుడూ వ్యతిరేకం కాదన్నారు. ప్రభుత్వమే అభివృద్ధి గురించి ఆలోచించడం లేదని ఆరోపించారు.

కేంద్రం నిధులు ఉపయోగించుకోవడంలో ఉత్తర ప్రదేశ్ ప్రభుత్వం చాలా వెనుక పడి ఉందన్నారు. యుపిలో అధికారులు కూడా పని చేయడం లేదని ఆరోపించారు. బట్టాపర్సవుల్ ప్రాంతంలో జరిగిన పోలీసుల కాల్పులపై న్యాయ విచారణ జరిపించాలని ఆయన డిమాండ్ చేశారు. కాల్పుల విచారణపై యుపి ప్రభుత్వం విచారణకు రావడం లేదన్నారు.

English summary

AICC general secretary Rahul Gandhi fired at Uttar Pradesh Chief Minister Mayavathi today.