నాగం జనార్దన్ రెడ్డి వ్యవహారంపై చంద్రబాబు నో కామెంట్

By Pratap

Published: Tuesday, May 24, 2011, 14:06 [IST]

న్యూఢిల్లీ: తెలంగాణ అంశంపై తనను తీవ్రంగా వ్యతిరేకిస్తున్న తమ పార్టీ తెలంగాణ శాసనసభ్యుడు నాగం జనార్దన్ రెడ్డి వ్యవహారంపై మాట్లాడడానికి తెలుగుదేశం పార్టీ అధినేత నారా చంద్రబాబు నాయుడు నిరాకరించారు. రైతు సమస్యలపై కేంద్ర వ్యవసాయ శాఖ మంత్రి శరద్ పవార్‌తో భేటీ తర్వాత జరిగిన మీడియా ప్రతినిధుల సమావేశంలో నాగం వ్యవహారంపై అడిగితే ఆయన మాట్లాడేందుకు ఇష్ట పడలేదు.

తాను రైతు సమస్యలపై ఢిల్లీకి వచ్చానని, ఈ సందర్భంలో రాజకీయాలు మాట్లాడడం సరి కాదని ఆయన అన్నారు. నాగం జనార్దన్ రెడ్డి వ్యవహారంపై మాట్లాడడానికి ఇంకా చాలా సమయం ఉందని ఆయన చెప్పారు. ఆ వ్యవహారంపై తాను హైదరాబాదులో మాట్లాడుతానని ఆయన చెప్పారు. ముఖ్యమంత్రి కిరణ్ కుమార్ రెడ్డి ప్రభుత్వంపై సమయం వచ్చినప్పుడు తాము అవిశ్వాస తీర్మానం ప్రతిపాదిస్తామని ఆయన చెప్పారు.

Published On May 24, 2011