ఐఐటి - జెఇఇలో దుమ్మురేపిన తెలుగు విద్యార్థులు, టాప్ టెన్‌లో ఏడు

By Pratap

Published: Wednesday, May 25, 2011, 9:33 [IST]

హైదరాబాద్‌: ఐఐటీ - జెఇఇ 2011 ఫలితాలు విడుదలయ్యాయి. ఆలిండియా ఫస్ట్‌ ర్యాంకుతో సహా మొదటి పది ర్యాంకుల్లో ఏడు తెలుగు విద్యార్థులే దక్కించుకున్నారు. వందలోపు ర్యాంకుల్లో నలభైదాకా ఆంధ్రప్రదేశ్‌ విద్యార్థులే సాధించినట్లు సమాచారం. ఐఐటి ప్రవేశ పరీక్షలో పృథ్వీతేజ ఆలిండియా ఫస్ట్ ర్యాంక్ సాధించాడు. వై. నితిన్‌కు రెండో ర్యాంక్ వచ్చింది. సైమంత్ రెడ్డి మూడో ర్యాంక్ సాధించాడు. నాలుగో ర్యాంక్ సాయికిరణ్‌కు దక్కింది.

ఆరో ర్యాంక్ కునాల్‌కు దక్కింది. ఎనిమిదో ర్యాంక్ భార్గవ రెడ్డికి దక్కింది. వరుణ్ తొమ్మిదో ర్యాంక్ సాధించాడు. హర్షవర్దన్ అనే విద్యార్థి 15వ ర్యాంక్, శ్రీనివాస్ 18వ ర్యాంక్, వంశీధర్‌కు 11 ర్యాంక్ వచ్చింది. 19వ ర్యాంక్ ప్రవీణ్ రాజ్ సాధించాడు. చైతన్య, నారాయణ వంటి కార్పొరేట్ కళాశాలల్లో చదివిన విద్యార్థులే ఎక్కువగా ర్యాంకులు సాధించారు. ఐఐటి - జెఇఇలో చాలా కాలంగా ఆంధ్రప్రదేశ్ విద్యార్థులు తమ సత్తా చాటుతూ వస్తున్నారు.

Published On May 25, 2011