విహెచ్చా మజాకా: గంగవరం పోర్టు వద్ద అడ్డుకున్న సెక్యూరిటీ

విశాఖపట్నం: కాంగ్రెసు పార్టీ సీనియర్ నాయకుడు వి హనుమంతరావుకు బుధవారం విశాఖపట్నంలోని గంగవరం పోర్టు వద్ద అవమానం జరిగింది. గనుల పరిరక్షణ కోసం యాత్ర చేస్తున్న వి హనుమంతరావు, పొంగులేటి సుధాకర్ రెడ్డి, మల్లు భట్టి విక్రమార్కలతో పాటు మీడియా ప్రతినిధులను పోర్టు లోపలకు వెళ్లకుండా పోర్ట్ సెక్యురిటీ అడ్డుకున్నారు. దీంతో ఆగ్రహం చెందిన విహెచ్ వారిపై విరుచుకు పడ్డారు. తాను ఎవరో మీకు తెలియదా అని ప్రశ్నించారు. తనను లోపలకు అనుమతించక పోవడం సరికాదన్నారు.

పోర్టును అమ్మేసే ప్రయత్నాలు జరుగుతున్నాయని ఆయన ఆరోపించారు. తనను లోపలకు ఆహ్వానించే వరకు అక్కడే బైఠాయిస్తానని హెచ్చరించిన ఆయన పోర్టు గేటు ముందే బైఠాయించారు. అయితే విషయం తెలుసుకున్న పోర్టు ఉన్నతాధికారులు వచ్చి విహెచ్‌, పొంగులేటి, భట్టి, మీడియాను లోనికి తీసుకు వెళ్లారు.

English summary

Gangavaram port security obstructed congress senior leader V Hanumantha Rao today. He sit in front of port gate till him sent in.