తెలంగాణ కోసం రాజీనామాకు సిద్ధం: ఎమ్మెల్యే కొండా సురేఖ

By Srinivas

Published: Monday, June 6, 2011, 16:42 [IST]

హైదరాబాద్: ప్రత్యేక తెలంగాణ రాష్ట్ర సాధన కోసం తాను రాజీనామా చేయడానికి సిద్ధంగా ఉన్నానని మాజీ మంత్రి, పరకాల శాసనసభ్యురాలు కొండా సురేఖ సోమవారం స్పష్టం చేశారు. తెలంగాణ కోసం పార్టీల కతీతంగా అందరు ప్రజా ప్రతినిధులు ఏకత్రాటిపైకి వచ్చి రాజీనామా ప్రతిపాదన పెడితే తాను సిద్ధమని అన్నారు. తెలంగాణ ప్రజాప్రతినిధుల అంతా ఒకే మార్గాన ఉంటేనే తెలంగాణ సాధ్యమని ఆమె స్పష్టం చేశారు. తెలంగాణ కాంగ్రెసు ఢిల్లీ పర్యటనతో ఒరిగేదేమీ లేదని ఆమె అన్నారు.

వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వర్గం శాసనసభ్యులకు ప్రభుత్వం సహాయ నిరాకరణ చేస్తుందనే వార్తలు వస్తున్నాయని ఒకవేళ ప్రభుత్వం అలా చేస్తే కాంగ్రెసు పార్టీకే నష్టం అని ఆమె అన్నారు. తమకు సహాయ నిరాకరణ చేస్తే తమ ఎమ్మెల్యేలం అందరం కలిసి వెళ్లి ముఖ్యమంత్రి కిరణ్ కుమార్ రెడ్డి దగ్గర ధర్నా చేస్తామని ఆమె హెచ్చరించారు.

Published On June 6, 2011