జగన్ పార్టీలోకి చిత్తూరు జడ్పీ చైర్మన్, కిరణ్ కుమార్ రెడ్డికి షాక్

By Pratap

Published: Tuesday, June 7, 2011, 9:05 [IST]

చిత్తూరు‌: సొంత జిల్లా చిత్తూరులో ముఖ్యమంత్రి కిరణ్ కుమార్ రెడ్డికి షాక్ తగిలింది. చిత్తూరు జిల్లా పరిషత్ చైర్మన్, కాంగ్రెసు నాయకుడు సుబ్రహ్మణ్యం రెడ్డి తన పదవికి రాజీనామా చేశారు. ఆయన వైయస్ జగన్ నాయకత్వంలోని వైయస్సార్ కాంగ్రెసు పార్టీలో చేరాలని నిర్ణయించుకున్నారు. తన రాజీనామా లేఖను సోమవారం సాయంత్రం జిల్లా కలెక్టర్ ఆరోగ్యరాజ్‌కు అందించారు. సోమవారం ఉదయం ఆయన జడ్పీ సమావేశానికి హాజరై అధ్యక్షత వహించారు.

వైయస్సార్ ఆశయాలతో ఏర్పాటైన వైయస్సార్ కాంగ్రెసులో చేరేందుకే తాను జడ్పీ చైర్మన్ పదవికి రాజీనామా చేసినట్లు సుబ్రహ్మణ్యం రెడ్డి మీడియా ప్రతినిధులతో చెప్పారు. ఆయనతో పాటు తవణంపల్లె జడ్పిటీసీ సభ్యుడు ఆనందయ్య కూడా కాంగ్రెసు పార్టీకి రాజీనామా చేశారు.

Published On June 7, 2011