హైదరాబాదులో అదృశ్యమైన బాలిక రెడ్‌లైట్ ఏరియాలో దర్శనం

By Srinivas

Published: Wednesday, June 8, 2011, 16:16 [IST]

హైదరాబాద్: రెండు రోజుల క్రితం రాజధాని హైదరాబాదులో అదృశ్యం అయిన ఓ పదేళ్ల అమ్మాయి ముంబైలోని రెడ్ లైట్ ఏరియాలో బుధవారం ప్రత్యక్షం అయింది. హైదరాబాదులోని బేగంపేటలో ఉంటున్న ఓ అమ్మాయి రెండు రోజుల క్రితం కనిపించ కుండా పోయింది. అయితే తల్లిదండ్రులు ఆమె తప్పి పోయినట్లు భావించి బేగంపేట పోలీసులకు ఫిర్యాదు చేశారు. స్పందించిన పోలీసులు వెంటనే అమ్మాయి కోసం వెతుకులాట ప్రారంభించారు. ఈ నేపథ్యంలో హైదరాబాదు పోలీసులు ముంబై పోలీసులతో కలిసి జాయింట్ ఆపరేషన్ చేశారు. దీంతో ఆ అమ్మాయి ముంబైలోని రెడ్ లైట్ ఏరియాలో ఉన్నట్లు కనుగొన్నారు.

ముంబై పోలీసులు ఆ అమ్మాయిని తమ ఆదీనంలోకి తీసుకున్నారు. అయితే అమ్మాయి ఇంటి పక్కన ఉండే సీతారామ్ అనే వ్యక్తి ఆమెను కిడ్నాప్ చేసి ముంబై తీసుకు వెళ్లి రెడ్ లైట్ ఏరియాలో అమ్మడానికి ప్రయత్నాలు చేసినట్లుగా అనుమానిస్తున్నారు. ప్రస్తుతం సీతారామ్ పరారీలో ఉండటం అనుమానాలకు తావిస్తోంది. అమ్మాయిని తీసుకు రావడానికి హైదరాబాదు నుండి ఇప్పటికే ఓ బృందం ముంబై వెళ్లినట్లుగా తెలుస్తోంది.

Published On June 8, 2011