వరంగల్‌లో కిడ్నాప్‌కు గురైన మూడేళ్ల బాలుడి దారుణ హత్య

By Srinivas

Published: Saturday, June 18, 2011, 14:21 [IST]

వరంగల్: రెండు రోజుల క్రితం వరంగల్ జిల్లాలో కిడ్నాప్‌కు గురైన హర్షవర్దన్ అనే మూడేళ్ల బాలుడు శనివారం శనమై కనిపించాడు. వరంగల్ లోని చింతల్ రైల్వే బ్రిడ్జి పక్కన చెత్తకుప్పలో శవమై కనిపించాడు. అబ్బనికుంటలో ఉంటున్న జగన్, సునీతల కుమారుడు హర్షవర్దన్. హర్షవర్దన్ 16వ తారీఖున ఇంటిముందు ఆడుకుంటుండగా కిడ్నాప్‌కు గురయ్యాడు. తల్లిదండ్రులు శుక్రవారం స్థానిక పోలీసులకు ఫిర్యాదు చేశారు. అయితే శనివారం మాత్రం నిర్జీవంగా కనిపించాడు.

హర్షవర్దన్‌ను స్థానికంగా తాపీమేస్త్రీగా పని చేస్తున్న నర్సింహ అనే వ్యక్తి కిడ్నాప్ చేసి చంపినట్లు పోలీసులు అనుమానం వ్యక్తం చేస్తున్నారు. నర్సింహ నెల్లూరు జిల్లా ఉదయగిరికి చెందిన వాడు. డబ్బుల కోసమే నర్సింహులు హర్షవర్దన్‌ను కిడ్నాప్ చేసి హత్య చేసినట్లు భావిస్తున్నారు. పోలీసులు కేసు నమోదు చేసుకొని దర్యాఫ్తు చేస్తున్నారు.

Published On June 18, 2011