కేంద్ర మంత్రి జైపాల్ రెడ్డికి దామోదర్ రెడ్డి హెచ్చరిక

By Pratap

Published: Tuesday, July 5, 2011, 13:06 [IST]

హైదరాబాద్‌: తెలంగాణ ప్రాంతానికి చెందిన కేంద్ర మంత్రి ఎస్ జైపాల్ రెడ్డికి కాంగ్రెసు తెలంగాణ ప్రాంత శానససభ్యుడు ఆర్ దామోదర్ రెడ్డి హెచ్చరిక చేశారు. మంత్రి పదవికి, లోకసభ సభ్యత్వానికి వెంటనే రాజీనామా చేయాలని ఆయన జైపాల్ రెడ్డిని కోరారు. రాజీనామా చేయకపోతే జైపాల్ రెడ్డిని తెలంగాణలో అడుగు పెట్టనివ్వబోమని ఆయన హెచ్చరించారు. రాజీనామాలు చేయని తెలంగాణ మంత్రులు దమ్ముంటే ఇతర జిల్లాల్లో తిరగాలని ఆయన సవాల్ చేశారు. రాజీనామాలు చేసిన మంత్రులు విధులకు హాజరు కావద్దని ఆయన సూచించారు.

తాను కేంద్ర మంత్రిగా ఉన్నందున ఇప్పుడే రాజీనామా చేయలేనని జైపాల్ రెడ్డి ఇటీవల కాంగ్రెసు తెలంగాణ ప్రాంత పార్లమెంటు సభ్యులతో చెప్పారు. రాజీనామా చేసి తెలంగాణ ఉద్యమానికి నాయకత్వం వహించాలని వారు జైపాల్ రెడ్డిని కోరారు. కాగా, రాజీనామా చేసిన తర్వాత కూడా హోం మంత్రి సబితా ఇంద్రారెడ్డి ముఖ్యమంత్రి కిరణ్ కుమార్ రెడ్డి నిర్వహించిన సమీక్షా సమావేశానికి హాజరయ్యారు. దీంతో సబితా ఇంద్రారెడ్డిపై విమర్శలు ప్రారంభమయ్యాయి.

Published On July 5, 2011