• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఒత్తిడితో జైపాల్ రెడ్డి రాజీనామా చేస్తారా?

By Pratap
|

S Jaipal Reddy
న్యూఢిల్లీ‌: కేంద్ర మంత్రి పదవికి, లోకసభ సభ్యత్వానికి రాజీనామా చేయాలని ఎస్ జైపాల్ రెడ్డిపై ఒత్తిడి పెరుగుతోంది. రాజీనామా చేసి తమకు నాయకత్వం వహించాలని రాజీనామాలు చేసిన కాంగ్రెసు తెలంగాణ ప్రాంత పార్లమెంటు సభ్యులు విజ్ఞప్తి చేస్తుండగా, జైపాల్ రెడ్డికి కాంగ్రెసు పార్టీకే చెందిన శాసనసభ్యుడు దామోదర్ రెడ్డి హెచ్చరికలు జారీ చేశారు. రాజీనామా చేయకపోతే తెలంగాణలో జైపాల్ రెడ్డిని అడుగు పెట్టనివ్వబోమని ఆయన హెచ్చరించారు. రాజీనామా చేయని ప్రజాప్రతినిధులపై తెలంగాణ విద్యార్థులు, తెలంగాణ జెఎసి కార్యకర్తలు, తెలంగాణ రాష్ట్ర సమితి (తెరాస) కార్యకర్తలు ఒత్తిడి తెస్తున్నారు. ఇందులో భాగంగానే హైదరాబాదులోని జూబ్లీహిల్స్‌లో గల జైపాల్ రెడ్డి ఇంటిని బిజెపి కార్యకర్తలు ముట్టడించారు. పోలీసులు ఆందోళనకారులను అరెస్టు చేశారు.

మల్కాజిగిరి కాంగ్రెసు పార్లమెంటు సభ్యుడు సర్వే సత్యనారాయణ ఇంటిని కూడా తెలంగాణ ఆందోళనకారులు ముట్టడించారు. శాసనసభ్యుడు మర్రి శశిధర్ రెడ్డి కాన్వాయ్‌ని ఆందోళనకారులు హైదరాబాదులోని బల్కంపేట వద్ద అడ్డుకున్నారు. తెలుగుదేశం రాజ్యసభ సభ్యురాలు గుండు సుధారాణి ఇంటి వద్ద తెలంగాణవాదులు ఆందోళనకు దిగారు. ఖమ్మం జిల్లాలో శాసనసభ్యుడు రేగా కాంతారావు శవయాత్ర నిర్వహించారు. మంత్రులు దానం నాగేందర్, ముఖేష్ గౌడ్‌లు ఒయు విద్యార్థులు హెచ్చరికలు జారీ చేశారు.

పార్టీ అధిష్టానం ఆలోచన పసిగట్టి జైపాల్ రెడ్డి రాజీనామా చేయడానికి వెనకాడుతున్నారా అనే అనుమానాలు వ్యక్తమవుతున్నాయి. అయితే, సమయం చూసి ముందుకు వస్తారా అనేది కూడా చెప్పలేని స్థితి. సమయం వచ్చినప్పుడు తాను రాజీనామా చేస్తానని, కేంద్ర మంత్రిగా ఉండడం వల్ల ఇప్పుడు రాజీనామా చేయలేని జైపాల్ రెడ్డి తెలంగాణ ప్రాంత కాంగ్రెసు పార్లమెంటు సభ్యులతో చెప్పారు.

English summary
Parliamentarians and legislators from Andhra Pradesh's Telangana region, who have not yet submitted their resignations, are facing the ire of groups who are pressing for a separate state.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X