పోలీసులు అడ్డుకున్నా దీక్ష ఆగదు: ఓయు జెఏసి

By Srinivas

Published: Sunday, July 10, 2011, 14:08 [IST]

హైదరాబాద్: ప్రత్యేక తెలంగాణ రాష్ట్ర సాధన లక్ష్యం కోసం పని చేస్తున్న తమకు పోలీసులు సృష్టిస్తున్న అడ్డంకులు ఓ లెక్క కాదని ఉస్మానియా విశ్వవిద్యాలయం విద్యార్థులు ఆదివారం అన్నారు. ఒకవేళ లక్ష్యసాధనలో అడ్డుపడితే పోలీసులు తమకు లెక్కకాదని స్పష్టం చేశారు. ఈ విషయాన్ని సీఎం, డీజీపీ, పోలీసు కమిషనర్ గుర్తుంచుకోవాలని హెచ్చరించారు.

ఎన్ని అడ్డంకులు ఎదురైనప్పటికీ తెలంగాణ సాధన కోసం తలపెట్టిన దీక్ష ప్రారంభించి తీరుతామన్నారు. దీక్షకు ప్రభుత్వ సహకారం లేకపోయినా తెలంగాణ ప్రజల నుంచి మద్దతు అందుతోందని జెఏసి నాయకులు వెల్లడించారు. కాగా ప్రత్యేక తెలంగాణ రాష్ట్రం కోరుతూ ఉస్మానియా విశ్వవిద్యాలయ విద్యార్థులు ఆమరణ నిరాహార దీక్షకు దిగుతామని ప్రకటించిన విషయం తెలిసిందే.

Published On July 10, 2011