కాంగ్రెసు పార్జీ రాష్ట్ర ఇంచార్జులపై తలసాని ఫైర్

By Srinivas

Published: Sunday, July 10, 2011, 14:46 [IST]

హైదరాబాద్‌: రాష్ట్ర కాంగ్రెసు పార్టీకి చెందిన ఇంచార్జులపై తెలుగుదేశం పార్టీ సీనియర్ నాయకుడు, మాజీ మంత్రి తలసాని శ్రీనివాస్ యాదవ్ ఆదివారం ధ్వజమెత్తారు. ముఖ్యమంత్రి కిరణ్ కుమార్ రెడ్డి పాలన రాష్ట్రంలో పూర్తిగా స్తంభించి పోయిందన్నారు. రాష్ట్రంలో పాలన స్తంభించినప్పటికీ రాష్ట్రంలో జరుగుతున్న పరిణామాలపై రాష్ట్ర కాంగ్రెసు పార్టీ ఇంచార్జులు పార్టీ అధిష్టానానికి సరైన, వాస్తవమైన నివేదికను ఇవ్వడం లేదని ఆరోపించారు.

రాష్ట్రంలో పాలన స్తంభించి పోయినందున గవర్నర్ నరసింహన్ వెంటనే జోక్యం చేసుకోవాలని కోరారు. రాష్ట్రం విచ్ఛిన్నం అవుతున్నా ప్రభుత్వం పట్టించుకోక పోవడం విచారకరమన్నారు. తలసాని శ్రీనివాస్ యాదవ్ ఎన్టీఆర్ ట్రస్టు భవన్‌లో విలేకరులతో మాట్లాడారు.

Published On July 10, 2011