తెలంగాణ మంత్రుల దారిలో సీమాంధ్ర మంత్రులు?

హైదరాబాద్: తెలంగాణ మంత్రుల దారిలోనే సీమాంధ్ర మంత్రులు కూడా సాగుతారనే ప్రచారం సాగుతోంది. సమైక్యాంధ్ర కోసం సీమాంధ్ర మంత్రులు రాజీనామాలు చేస్తారనే వార్తలు వస్తున్నాయి. శనివారం విజయవాడలో సమైక్యాంధ్రవాదుల రౌండ్ టేబుల్ సమావేశం జరగనుంది. ఈ సమావేశానికి 17 మంది మంత్రులు, కాంగ్రెసు సీమాంధ్రకు చెందిన 70 మంది శానససభ్యులు, 8 మంది పార్లమెంటు సభ్యులు హాజరవుతారనే వార్తలు వినిపిస్తున్నాయి. మాజీ మంత్రి మండలి బుద్ధప్రసాద్ ఆధ్వర్యంలో ఈ రౌండ్ టేబులు సమావేశం జరగనుంది.

ఈ నెల 18వ తేదీ శైలజానాథ్ నాయకత్వంలో కాంగ్రెసు సీమాంధ్ర ప్రజాప్రతినిధులు పార్టీ అధిష్టానం పెద్దలతో సమావేశమయ్యేందుకు ఢిల్లీ వెళ్తున్నారు. దానికి ముందు తమ అభిప్రాయాలను వెల్లడించడానికి సీమాంధ్ర నాయకులు సిద్ధపడుతున్నారు. తెలంగాణ ప్రజాప్రతినిధులు రాజీనామాలు చేసి పట్టు బిగిస్తున్న సమయంలో తాము కూడా వారికి దీటుగా ఉంటేనే ప్రజల్లోకి సరైన సంకేతాలు వెళ్తాయని సీమాంధ్ర ప్రజాప్రతినిధులు భావిస్తున్నారు.

English summary

Congress Seemandhra Ministers may follow Telangana ministers for united andhra cause.