మేయర్ కార్తిక రెడ్డి భర్త చంద్రారెడ్డి హల్ చల్!

By Srinivas

Published: Sunday, July 17, 2011, 10:50 [IST]

హైదరాబాద్: హైదరాబాద్ నగర మేయర్ బండ కార్తిక చంద్రారెడ్డి భర్త చంద్రారెడ్డి ఆదివారం సికిందరబాదులోని మహంకాళీ బోనాలు సందర్భంగా హల్ చల్ సృష్టించారు. తన అనుచరులకు అమ్మవారి దర్శనం కలిగించాలని ఆయన అక్కడ కాసేపు ఉద్రిక్తతను సృష్టించారు. పోలీసులు ఎంతకూ అనుమతించక పోవడంతో వారితో చంద్రారెడ్డి వాగ్వాదానికి దిగారు. దాంతో కాసేపు అక్కడ ఉద్రిక్త పరిస్థితి నెలకొంది. కాగా ఆదివారం సికింద్రాబాదులోని లష్కరు బోనాలు ప్రారంభమయ్యాయి.

మహంకాళి బోనాల సందర్భంగా భక్తులకు ఎలాంటి అసౌకర్యం కలగకుండా నిర్వాహకులు అన్ని ఏర్పాట్లు చేశారు. తెల్లవారుజామున 4 గంటలకు అమ్మవారికి మహా హారతి ఇచ్చిన తర్వాత నుంచీ భక్తులను దర్శనానికి అనుమతిస్తున్నారు. రద్దీ దృష్టిలో పెట్టుకుని భక్తులు రెండు గంటలనుంచే గుడి ముందు బారులు తీరారు. బోనాలు సమర్పించే మహిళలకు ప్రత్యేక క్యూ లైను ఏర్పాటు చేశారు. రెండు వేల మంది సిబ్బందితో పోలీసులు భారీగా బందోబస్తు ఏర్పాటుచేశారు.

Published On July 17, 2011