ట్యాంకుబండులో సూసైడ్ చేసుకోవాలి: కొండా సురేఖ

By Srinivas

Published: Sunday, July 24, 2011, 15:10 [IST]

హైదరాబాద్: వైయస్సాఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వరంగల్ జిల్లా పరకాల శాసనసభ్యురాలు కొండా సురేఖ తెలంగాణ కాంగ్రెసు పార్టీ ప్రజాప్రతినిధులపై ఆదివారం తీవ్రస్థాయిలో విరుచుకు పడ్డారు. కాంగ్రెసు పార్టీ నేతలకు చిత్తశుద్ది ఉంటే మరోసారి రాజీనామా చేయాలని డిమాండ్ చేశారు. రాజీనామాలకు వెనకాడితే ప్రజల్లో తిరిగలేరని వారిని హెచ్చరించారు. వారు వెంటనే మళ్లీ తమ రాజీనామాలు ఇవ్వాలన్నారు.

తెలంగాణలో విద్యార్థులు, యువకుల ఆత్మహత్యలు ఆగాలంటే తెలంగాణ కోసం రాజీనామాలు సమర్పించిన ప్రజాప్రతినిధులు అందరూ తమ తమ రాజీనామాలు ఆమోదింప జేసుకోవాలని అన్నారు. లేదంటే వారు ట్యాంకుబండులో దూకి సూసైడ్ చేసుకోవాలన్నారు. కాగా ఆదివారం మధ్యాహ్నం ఆమె తన రాజీనామా లేఖతో అసెంబ్లీకి వచ్చారు. అయితే అసెంబ్లీ సెక్రటరీ లేక పోవడంతో అమె వెనుదిరిగి వెళ్లి పోయారు. సోమవారం తన రాజీనామాను సమర్పిస్తానని చెప్పారు.

Published On July 24, 2011