హైదరాబాదు ఉమ్మడి రాజధానిగా వద్దే వద్దు: కావూరి

హైదరాబాద్: ఉమ్మడి రాజధానికి తాము అంగీకరించే ప్రసక్తి లేదని పార్లమెంటు సభ్యుడు కావూరి సాంబశివరావు బుధవారం గాంధీ భవనంలో విలేకరులో అన్నారు. కాంగ్రెసు పార్టీ సీనియర్ రాజ్యసభ సభ్యుడు వి హనుమంతరావు పదేళ్లు ఉమ్మడి రాజధానికి ఒప్పుకుంటామని ప్రకటించిన విషయం తెలిసిందే. దీనిపై కావూరి స్పందించారు. హైదరాబాదును ఉమ్మడి రాజధానిగా అంగీకరించమని తేల్చి చెప్పారు. తాము సమైక్యాంధ్రకే కట్టుబడి ఉన్నామన్నారు. తెలంగాణ, సమైక్యాంధ్ర విషయంలో ఎవరి డిమాండ్లు వారికి ఉంటాయన్నారు. అయితే దేశ ప్రయోజనాలను దృష్టిలో పెట్టుకొని కేంద్రమే నిర్ణయం తీసుకోవాలన్నారు.

ప్రతి సమస్యకు పరిష్కారం ఉంటుందన్నారు. అలాగే తెలంగాణ సమస్యకు పరిష్కారం దొరుకుతుందన్నారు. రాష్ట్రం సమైక్యాంగా ఉంటేనే బావుంటుందని సీమాంధ్ర ప్రజాప్రతినిధులు అందరూ అభిప్రాయపడుతున్నారన్నారు. చిన్న రాష్ట్రాలు అడిగే వారు చత్తీస్‌గడ్, జార్ఖండ్ రాష్ట్రాలను దృష్టిలో పెట్టుకోవాలని సూచించారు. తెలంగాణ ప్రజాప్రతినిధులు రాజీనామా చేస్తే తెలంగాణ వస్తుందా అని ప్రశ్నించారు. అలాగైతే తామూ రాజీనామాలు చేసి కృష్ణా జిల్లాను రాష్ట్ర్రంగా ప్రకటిస్తే రాష్ట్రం ఇస్తారా అని ప్రశ్నించారు. తెలంగాణ ప్రజాప్రతినిధులు అక్కడి ప్రజల అభిప్రాయం మేరకే రాజీనామాలు చేశారన్నారు.

English summary

MP Kavuri Sambasiva Rao opposed combined capital proposal. He said Seemandhra leaders are committed for Samaikyandhra.