కోదండరామ్‌పై ఆనం వివేకానంద రెడ్డి ఫైర్

నెల్లూరు: తెలంగాణ రాజకీయ జెఎసి చైర్మన్ కోదండరామ్‌పై కాంగ్రెసు సీమాంధ్ర శాసనసభ్యుడు ఆనం వివేకానంద రెడ్డి తీవ్రంగా మండిపడ్డారు. కోదండరామ్‌ను ఉద్యోగం నుంచి ముందే తొలగించి ఉంటే ఈ పరిస్థితి వచ్చి ఉండేది కాదని ఆయన శనివారం మీడియా ప్రతినిధులతో అన్నారు. ఉద్యోగులు ప్రభుత్వంలో భాగస్వాములనే ఉద్దేశంతో కోదండరామ్‌ పట్ల ఉదాసీన వైఖరి అవలంబించిందని ఆయన అన్నారు. సకల జనుల సమ్మెలో సీమాంధ్ర ఉద్యోగులు కూడా పాల్గొనాలనే కోదండరామ్ ప్రకటన సరైంది కాదని ఆయన అభిప్రాయపడ్డారు.

ప్రభుత్వ నౌకరు అయిన కోదండరామ్ ఒక పార్టీకి కొమ్ము కాయడం సమంజసం కాదని ఆయన అన్నారు. సకల జనుల సమ్మె వల్ల నష్టపోయేది తెలంగాణ విద్యార్థులేనని ఆయన అన్నారు. ప్రభుత్వం, ఉద్యోగులు వేర్వేరు కాదని ఆయన అన్నారు. సమస్యలు ఉంటే తెలంగాణ ఉద్యోగులు చర్చలతో పరిష్కరించుకోవాల్సి ఉంటుందని ఆయన అన్నారు. అలా కాకుండా సహోద్యోగులపై చేయి చేసుకుని పరిస్థితి వచ్చిందని, ఇది దారుణమని ఆయన అన్నారు.

English summary

Congress Seemandhra MLA Anam Vivekananda Reddy fired at Telangana JAC chairman Kodandaram.