జయలలిత ప్రతాపం, మాజీ డిసిఎం స్టాలిన్ అరెస్టు

చెన్నై: డిఎంకె నేత, మాజీ ఉప ముఖ్యమంత్రి స్టాలిన్‌ను పోలీసులు శనివారం అదుపులోకి తీసుకున్నారు. రోడ్డు రోకో కార్యక్రమం కేసులో ఆయనను పోలీసులు అదుపులోకి తీసుకున్నారు. ఆయనను తిరువరూరులో పోలీసులు అరెస్టు చేశారు. ముఖ్యమంత్రి జయలిలత కక్ష సాధింపు చర్యల్లో భాగంగానే స్టాలిన్ అరెస్టు జరిగినట్లు ఆరోపణలు వస్తున్నాయి. ఇప్పటికే ఇద్దరు డిఎంకె నేతలను పోలీసులు అరెస్టు చేశారు.

తిరువరూర్ జిల్లా కార్యదర్సి పూండీ కలైవనన్ అరెస్టును నిరసిస్తూ రాస్తారోకో నిర్వహించడంతో స్టాలిన్‌ను పోలీసులు అరెస్టు చేశారు. పాఠశాల విద్య అభ్యసిస్తున్న విద్యార్థులందరికీ ఏకీకృత విధానం అమలు చేయాలని డిమాండ్ చేస్తూ కలైవనన్ విద్యాసంస్థల బహిష్కరణకు దిగారు. దీంతో ఆయనపై పోలీసులు కేసు పెట్టారు. తమ పార్టీ నేతలపై ప్రభుత్వం తప్పుడు కేసులు బనాయిస్తోందని స్టాలిన్ విమర్శించారు.

తన కుమారుడు స్టాలిన్‌ను అరెస్టు చేయడంపై డిఎంకె అధినేత కరుణానిధి తీవ్రంగా మండిపడ్డారు. ప్రభుత్వం కక్ష సాధింపు చర్యలకు దిగుతోందని ఆయన అన్నారు. ప్రభుత్వ కిరాతక చర్యలకు నిరసనగా రాష్ట్రవ్యాప్త నిరసనలు జరుపుతామని ఆయన చెప్పారు.

English summary

DMK leader, former deputy CM Stalin detained by police at Tiruvarur today.