అధిష్టానం మాటకు ససేమీరా: డిప్యూటీ వద్దన్న షెట్టార్

బెంగళూరు: కర్నాటక మాజీ ముఖ్యమంత్రి యడ్యూరప్ప వ్యతిరేక వర్గం అనంతకుమార్ వర్గానికి చెందిన జగదీష్ షెట్టార్ భారతీయ జనతా పార్టీ అధిష్టానం విజ్ఞప్తిని తిరస్కరించారు. యడ్యూరప్ప వర్గానికి చెందిన సదానంద గౌడ ముఖ్యమంత్రి కావడంతో తీవ్ర అసంతృప్తికి లోనైన జగదీష్‌కు అధిష్టానం ఉప ముఖ్యమంత్రి పీఠంపై కూర్చుండ బెట్టాలనుకుంది. డిప్యూటీ కుర్చీ ఇస్తామని చెప్పారు. దానికి జగదీష్ అధిష్టానం మాటను సున్నితంగా తిరస్కరించారు. తనకు డిప్యూటి సీఎం వద్దని చెప్పినట్లుగా తెలుస్తోంది. కాగా జగదీష్ శెట్టార్ వర్గానికి చెందిన 55 మంది శాసనసభ్యులు సదానంద గౌడ ప్రమాణ స్వీకారణాకి హాజరు కావద్దని నిర్ణయించుకున్నట్లుగా తెలుస్తోంది. శెట్టార్ తన వర్గం ఎమ్మెల్యేలకు ఆల్పాహార విందు ఇచ్చాడు.

కాగా ముఖ్యమంత్రి పీఠం కోసం యడ్యూరప్ప వర్గం సదానంద గౌడను ప్రతిపాదించగా, అనంతకుమార్ వర్గం జగదీష్ శెట్టార్ పేరును ప్రతిపాదించిన విషయం తెలిసిందే. బిజెపి అధిష్టానం కూడా జగదీష్ కోసమే ప్రయత్నాలు చేసింది. బహిరంగ ఓటింగ్‌కు పలువురు అభ్యంతరాలు చెప్పడంతో పరిశీలకులుగా వచ్చిన అరుణ్ జైట్లీ, రాజ్‌నాథ్ సింగ్ రహస్య ఓటింగుకు ఓకే చెప్పడం ఓటింగులో సదానంద గౌడ 7 ఓట్ల ఆధిక్యంతో శెట్టార్‌పై గెలుపొందిన విషయం తెలిసిందే.

English summary

Yeddyurappa opposer Jagadish Shettar refused deputy chief minister post.