యుద్ధంలో గెలవాలంటే పాండువులు ఉండాలి: సిఎం

By Srinivas

Published: Tuesday, August 9, 2011, 12:48 [IST]

హైదరాబాద్: ముఖ్యమంత్రి కిరణ్ కుమార్ రెడ్డి పాండవులు ఉంటే యుద్ధంలో గెలుస్తామంటూ అన్నారు. మంగళవారం క్విట్ ఇండియా డే సందర్భంగా కాంగ్రెసు పార్టీ రాష్ట్ర కార్యాలయం గాంధీ భవనంలో జాతీయ జెండాను ఆవిష్కరించారు. ఇందులో ముఖ్యమంత్రి కిరణ్ కుమార్ రెడ్డితో పాటు ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ, మాజీ పిసిసి చీఫ్ డి శ్రీనివాస్, మంత్రులు ముఖేష్, దానం నాగేందర్, కాంగ్రెసు పార్టీ రాజ్యసభ సభ్యుడు కె కేశవరావు, ఆర్టీసి చైర్మన్ ఎం సత్యనారాయణ తదితరులు ఉన్నారు. బొత్స, డిఎస్ వంటి నేతలు ఉండటంతో విలేకరులు సరదాగా ముఖ్యమంత్రి గారు పాండవులతో కలిసి ఉన్నారేమిటి అని ప్రశ్నించారు.

యుద్ధంలో గెలవాలంటే పాండవులు కావాలని ముఖ్యమంత్రి వారికి అంతే సరదాగా సమాధానం ఇచ్చారు. కాగా జెండాను పిసిసి చీఫ్ బొత్స సత్యనారాయణ ఆవిష్కరించారు. అనంతరం ముఖ్యమంత్రి స్వతంత్ర్య సమరయోధులను సన్మానించారు. ఆవిష్కరణ అనంతరం కాంగ్రెసు మంత్రివర్గ ఉపసంఘం బేటీ అయింది. ఇందులో తెలంగాణ ఉద్యోగుల సమ్మెపై చర్చించనున్నారని సమావేశం. సమావేశానికి ఉప ముఖ్యమంత్రి దామోదర రాజనర్సింహ, మంత్రులు ఆనం రామనారాయణ రెడ్డి, దానం నాగేందర్, ముఖేష్ గౌడ్, ధర్మాన ప్రసాదరావు హాజరు కాగా, శ్రీధర్ బాబు, రఘువీరా రెడ్డి, సారయ్య గైర్హాజరయ్యారు.

Published On August 9, 2011