చంద్రబాబు ఆందోళనకు మద్దతిస్తానన్న ములాయం

By Srinivas

Published: Wednesday, August 10, 2011, 12:57 [IST]

న్యూఢిల్లీ: తెలుగుదేశం పార్టీ అధ్యక్షుడు నారా చంద్రబాబు నాయుడు చేపట్టే ఆందోళనలకు తమ పూర్తి మద్దతు ఉంటుందని ఆర్జెడి చీఫ్ ములాయం సింగ్ యాదవ్ బుధవారం చెప్పారు. ఢిల్లీలో ఉన్న చంద్రబాబు నాయుడు ఉదయం ములాయంతో భేటీ అయ్యారు. అనంతరం వారు విలేకరులతో మాట్లాడారు. పంట విరామ ప్రాంతాల్లో క్షేత్రస్థాయి పరిశీలనకు చంద్రబాబుతో కలిసి వెళతానని చెప్పారు. పార్లమెంటులోనూ, ప్రజా క్షేత్రంలోను బాబుతో కలిసి పోరాటం చేస్తామన్నారు. రాష్ట్రంలో రైతులు ఎదుర్కొంటున్న సమస్యలపై చంద్రబాబు వివరించారని అన్నారు.

రైతు సమస్యలను జాతీయ స్థాయి నేతలకు వివరించానని చంద్రబాబు చెప్పారు. చక్కెర తదితర వస్తువులపై విలువ ఆధారిత పన్నును రద్దు చేయాలని ఆయన డిమాండ్ చేశారు. వ్యాట్ వల్ల ఇటు వ్యాపారులు, అటు వినియోగదారులు తీవ్రంగా నష్ట పోతున్నారని అన్నారు. చక్కెరపై వ్యాట్ రద్దు చేయకపోతే రాష్ట్రవ్యాప్తంగా ఆందోళనలు చేస్తామని హెచ్చరించారు. రాష్ట్రంలోని రైతులు క్రాప్ హాలిడే ప్రకటించే స్థితికి రాష్ట్ర ప్రభుత్వం తీసుకు వచ్చిందని విమర్శించారు.

Published On August 10, 2011