జగన్‌ను అణచేందుకు సిఎంకు బాబు సహాయం: అంబటి

గుంటూరు: తమ పార్టీ అధ్యక్షుడు వైయస్ జగన్మోహన్ రెడ్డిని అణిచి వేసేందుకు తెలుగుదేశం పార్టీ అధ్యక్షుడు నారా చంద్రబాబు నాయుడు ముఖ్యమంత్రి కిరణ్ కుమార్ రెడ్డి ప్రభుత్వానికి తన సహాయ సహకారాలు అందిస్తున్నారని వైయస్సాఆర్ కాంగ్రెసు పార్టీ అధికార ప్రతినిధి అంబటి రాంబాబు శుక్రవారం ఓ టీవీ ఛానల్‌ కార్యక్రమంలో అన్నారు. జగన్‌పై కేసుల వెనుక చంద్రబాబు, కిరణ్‌తో పాటు ఏఐసిసి అధ్యక్షురాలు సోనియాగాంధీ కుట్ర ఉందని ఆయన ఆరోపించారు. జగన్‌ను ఇరికించడమే లక్ష్యంగా వారు లక్ష్యంగా పెట్టుకున్నారని అన్నారు.

2014 ఎన్నికలలోగా జగన్‌ను, ఆయన పార్టీని అణిచి వేయాలని చంద్రబాబు కాంగ్రెసుతో కుమ్మక్కయ్యారని ఆరోపించారు. అయితే ప్రజా బలంతో వారిని సమర్థంగా ఎదుర్కొంటామని అంబటి చెప్పారు. ప్రజల అభిమానం, మద్దతుతో కాంగ్రెసునే నామరూపాలు లేకుండా చేస్తామని అన్నారు. తాము కాంగ్రెసు నుండి బయటకు రాకపోతే ఇన్ని సమస్యలు వచ్చేవి కావన్నారు. తెలంగాణ ఉద్యమాన్ని కేంద్ర ప్రభుత్వం చర్చల ముసుగులో నీరుగార్చుతుందన్నారు.

English summary

YSRC party spokes person Ambati Rambabu blamed TDP chief Chandrababu Naidu, CM Kiran Kumar Reddy, AICC president Sonia Gandhi for CBI enquiry on YS Jagan.