పరిష్కారం కాకపోతే చలో ఢిల్లీకి పిలుపునిస్తాం: అన్నా టీం

By Pratap

Published: Thursday, August 25, 2011, 12:57 [IST]

న్యూఢిల్లీ: శనివారంలోగా ప్రతిష్టంభనను తొలగించకపోతే చలో ఢిల్లీకి పిలుపునిస్తామని అన్నా టీమ్ హెచ్చరించింది. ఢిల్లీకి తరలిరావాలని ప్రజలకు పిలుపునిస్తామని చెప్పింది. అన్నా హజారే దీక్ష గురువారం పదో రోజుకు చేరుకుంది. సామాన్య మానవుడి మాట వినడానికి ముందుకు రావాలని కోరడానికి గురువారం సాయంత్రం ఐదు గంటలకు 7 రేస్ కోర్సు రోడ్డుకు చేరుకోవాలని అన్నా టీం తమ మద్దతుదారులకు పిలుపునిచ్చింది.

కోర్ కమిటీ సమావేశానంతరం అర్వింద్ కేజ్రివాల్ మీడియా ప్రతినిధులతో మాట్లాడారు. తాము నాలుగో దశ చర్చలకు సిద్ధంగా ఉన్నట్లు ఆయన తెలిపారు. పదో రోజు గురువారం అన్నా హజారే వేదికపై కనిపించారు. లోక్‌పాల్ బిల్లుపై న్యాయం జరిగే వరకు తాను పోరాడుతానని ఆయన చెప్పారు. తాను కొద్ది కిలోల బరువు తగ్గానని, అయినా తనలో స్ఫూర్తి తగ్గలేదని ఆయన అన్నారు.

Published On August 25, 2011