మాజీ సిఎం కాబట్టే విచారించలేదు: రోశయ్యపై శ్రీరంగరావు

By Srinivas

Published: Thursday, August 25, 2011, 12:10 [IST]

హైదరాబాద్: మాజీ ముఖ్యమంత్రి కొణిజేటి రోశయ్య అమీర్ పేట భూకుంభకోణం వ్యవహారంపై న్యాయవాది శ్రీరంగారావు మరోసారి కోర్టుకు వెళ్లారు. అమీర్ పేట భూకుంభకోణం వ్యవహారంలో గురువారం మరోసారి ఆయన నాంపల్లి ఎసిబి కోర్టులో పిటిషన్ దాఖలు చేశారు. రోశయ్య మాజీ ముఖ్యమంత్రి కావటం వల్లే యాంటీ కరప్షన్ బ్యూరో(ఎసిబి) ఆయనను విచారించలేదన్నారు. ప్రభుత్వం ఒత్తిడికి లొంగిన ఎసిబి అధికారులు తప్పుడు నివేదికలు సమర్పించారని ఆరోపించారు. కేసులో సరైన విచారణ జరగలేదన్నారు.

రోశయ్యకు వ్యతిరేకంగా బలమైన సాక్ష్యాలు ఉన్నప్పటికీ ఎసిబి ఏమీ చేయలేదన్నారు. ఈ కేసును తిరిగి విచారించాలని ఆయన కోర్టును కోరారు. అమీర్ పేట భూకుంభకోణం కేసులో రోశయ్య ఇరుక్కున్న విషయం తెలిసిందే. ఆయనపై గతంలో శ్రీరంగరావు కేసు వేశారు. అయితే భూకుంభకోణంలో అక్రమాలు ఉన్నాయో లేదో తేల్చడానికి ప్రభుత్వం ఎసిబితో విచారించింది. ఎసిబి విచారణలో రోశయ్యకు క్లీన్ చిట్ లభించింది. దీనిని సవాల్ చేస్తూ శ్రీరంగరావు మళ్లీ కోర్టుకు వెళ్లారు.

Published On August 25, 2011