చిరంజీవి ఇమేజ్ అప్పుడే తేలిపోయింది: అంబటి రాంబాబు

By Pratap

Published: Saturday, August 27, 2011, 15:43 [IST]

గుంటూరు: కాంగ్రెసు పార్టీలో చేరిన చేరిన చిరంజీవిపై వైయస్సార్ కాంగ్రెసు పార్టీ అధికార ప్రతినిధి అంబటి రాంబాబు తీవ్ర వ్యాఖ్యలు చేశారు. చిరంజీవి ఇమేజ్ ఏమిటో కడప ఉప ఎన్నికల్లోనే తేలిపోయిందని ఆయన శనివారం మీడియా ప్రతినిధుల సమావేశంలో అన్నారు. రాబోయే కాలంలో రాష్ట్రంలో భారీ మార్పులు తప్పవని ఆయన అన్నారు. వచ్చేవి ఉప ఎన్నికలు కావని, మధ్యంతర ఎన్నికలేనని ఆయన అన్నారు. కాంగ్రెసు, తెలుగుదేశం పార్టీలు కుమ్మక్కయ్యాయని, ఆ పార్టీలకు ప్రజలు బుద్ధి చెప్తారని ఆయన అన్నారు.

తమిళనాడు గవర్నర్‌గా నియమితులైన మాజీ ముఖ్యమంత్రి కె. రోశయ్య తన నిజాయితీని నిరూపించుకోవాలని ఆయన అన్నారు. అమీర్‌పేట భూ కుంభకోణంలో రోశయ్యపై కేసు పెండింగులో ఉన్న విషయాన్ని ఆయన గుర్తు చేశారు. వేయి కోట్ల అస్తులున్నాయని ప్రకటించుకున్న తెలుగుదేశం పార్టీ అధ్యక్షుడు నారా చంద్రబాబు నాయుడు బినామీ ఆస్తులు కూడా వెల్లడించాలని ఆయన డిమాండ్ చేశారు. రెండెకరాల చంద్రబాబు ఆస్తి వేల కోట్లకు ఎలా చేరిందని ఆయన అడిగారు. వేల కోట్ల రూపాయల ఆస్తులు కలిగిన చంద్రబాబు అవినీతికి వ్యతిరేకంగా పోరాటం చేయడాన్ని చూసి ప్రజలు నవ్వుకుంటున్నారని ఆయన అన్నారు.

Published On August 27, 2011