జగన్‌కు మద్దతుపై బిజెపికి సోమిరెడ్డి ప్రశ్నల వర్షం

By Pratap

Published: Monday, August 29, 2011, 15:27 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి మద్దతుగా బిజెపి నాయకులు మాట్లాడడంపై తెలుగుదేశం నాయకుడు సోమిరెడ్డి చంద్రమోహన్ రెడ్డి ప్రశ్నల వర్షం కురిపించారు. జగన్ అవినీతి బిజెపి నాయకులకు కనిపంచడం లేదా అని ఆయన సోమవారం మీడియా ప్రతినిధుల సమావేశంలో ప్రశ్నించారు. కేంద్రంలో అన్నా హజారేకు మద్దతిస్తున్న బిజెపి నాయకులు రాష్ట్రంలో జగన్ అవినీతిని సమర్థిస్తున్నారా అని ఆయన అడిగారు. జగన్‌పై సిబిఐ దర్యాప్తును వ్యతిరేకించడం ద్వారా బిజెపి నాయకులు న్యాయస్థానాన్ని ధిక్కరిస్తున్నారని ఆయన విమర్శించారు.

జగన్ ఆస్తుల గుట్టు విప్పుతున్న సిబిఐకే దిమ్మ తిరుగుతోందని, అంతగా జగన్ అవినీతికి పాల్పడ్డారని ఆయన అన్నారు. గతంలో తనకు బిజెపి శత్రువు అన్న వైయస్ జగన్ ఇప్పుడు మాట మార్చారని ఆయన అన్నారు. జగన్ వ్యతిరేకమో, కాదో చెప్పాలని ఆయన బిజెపి నాయకులను డిమాండ్ చేశారు.

Published On August 29, 2011