బొత్సకు చిరంజీవి వర్గం నుండి చుక్కెదురు

By Srinivas

Published: Tuesday, August 30, 2011, 12:30 [IST]

రాజమండ్రి: ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణకు తూర్పు గోదావరి జిల్లా పర్యటనలో ప్రజారాజ్యం పార్టీ కార్యకర్తల నుండి చుక్కెదురయింది. బొత్స రాజమండ్రిలో ఓ కార్యక్రమంలో పాల్గొన్నారు. ఆ కార్యక్రమంలో చిరంజీవి ఫోటో లేక పోవడంతో ప్రజారాజ్యం పార్టీ వర్గాలు ఆగ్రహం వ్యక్తం చేశాయి. చిరంజీవి ఫోటో పెట్టకుండా ఆయనను అగౌరవపర్చారంటూ పిఆర్పీ కార్యకర్తలు బొత్సతో వాగ్వాదానికి దిగారు. స్టేజ్ పైకి ఎక్కి బొత్సతో వాదనకు దిగారు. కార్యకర్తలకు తోడుగా పిఆర్పీ ఎమ్మెల్యేలు సైతం చిరు ఫోటో లేదని బొత్సతో ఘర్షణకు దిగారు.

బొత్స వారిని సముదాయించే ప్రయత్నాలు చేసినప్పటికీ వారు వినక పోవటంతో ఓ సమయంలో వారిపై ఆయన వారిపై ఆగ్రహం వ్యక్తం చేశారు. అయినా వినక పోవడంతో ఆయన స్టేజ్ దిగి వెళ్లి పోయేందుకు సన్నద్దమయ్యారు. కాంగ్రెసు పార్టీ కార్యకర్తలు జోక్యం చేసుకొని బొత్స ఆగ్రహాన్ని చల్లార్చి కార్యక్రమాన్ని సజావుగా సాగేలా చేశారు. ఆ తర్వాత బొత్స మాట్లాడుతూ పిఆర్పీ, కాంగ్రెసు మధ్య సమన్వయ లోపం ఉందని అంగీకరిస్తూ దానిని పూడ్చే ప్రయత్నాలు చేస్తామని చెప్పారు.

Published On August 30, 2011